Kryeministri Sali Berisha deklaroi sot ne mbledhjen e grupit te PD se rivlerësimi i votave të kontestuara përbën sistemin zgjedhor më të drejtin në historinë e zgjedhjeve shqiptare. 

Berisha deklaroi se kërkesa e Partisë Demokratike për të rinumëruar çdo votë të kontestuar për Tiranën do të bëjë të mundur mbrojtjen e sistemit.

Duke folur në mbledhjen e grupit të PD-së, kryeministri Berisha theksoi se ky vendim është jetik ndërsa ka gantuar se mazhoranca nuk ka dijeni se kujt kandidati i përkasin fletët e kontestuara por dëshiron që me rinumërimin e tyre të përfitojnë shqiptarët.

“Në kërkojmë rivlerësim të votave të kontestuara. Sistemi ynë aktual zgjedhor ka si shtyllë të sigurisë të drejtën e kundërshtimit. Ky sistem në dallim nga ai i mëparshmi i cili në rast të një rezultati të ngushë lejonte rinumërimin ky sistem nuk i lejon. Sistemi bazohet në të drejtën e çdo komisioneri apo vëzhguesi të vendosë veton për çdo fletë votimi që duket që nuk është ashtu siç mendojnë të tjerët. Ky është një rregull që e bën sistemin tonë më të drejtë” theksoi Berisha duke shtuar se votat e kundërshtuara kanë fituar të drejtën e qytetarisë për tu vlerësuar në të gjitha instancat.

Shefi i qeverise tha se pretendimet e PS per manipulime jane te pabaza persa kohe sipas tij ishte gjithe hapesira e nevojshme kohore qe kjo parti dhe kreu i kesaj partie mund te bente ankimime per faktet qe ajo ka konstatuar dhe që e kanë shqetësuar gjatë zgjedhjeve në Tiranë. “Ti mund të kishe bërë padi për 2 mijë kuti, por bërë akuza vetëm pasi u mbyll procesi i ankimimit”, tha Berisha duke ju drejtuar kreut të opozitës.

balkanweb.com