Kolegji Zgjedhor pas kërkesës së Partisë Socialiste për mosmiratimin e tabelës përmbledhëse të KZAZ 49 është tërhequr për të marrë vendim.

Përfaqësuesit e PS kanë kërkuar që të miratohet nga Kolegji kërkesë padia e tyre si për tabelën përmbledhëse të KZAZ 49 ashtu edhe për rezultatin e Tiranës.

Kolegji sot rrëzoi kërkesën e Partisë Demokratike e cila ka deklaruar se pretendimet e PS nuk qendron pasi vendimi tashëmë është marrë nga Komisioni Qendror Zgjedhor dhe aktpadia nuk ekziston.

Gjatë seancës së sotme të Kolegjit Zgjedhor ka shqyrtuar anskimin e PS për mosmiratimin e tabelës përmbledhëse të KZAZ 49 nga ana e KQZ-së si dhe tejkalimin e afatit për nxjerrjen e rezultatit të Tiranës.

Në kërkesën ankimore të paraqitur nga PS-ja thuhet se, në përfundim të numërimit të votave për kryetarin e Bashkisë së Tiranës, dhjetë KZAZ-të e kësaj zone aprovuan tabelat përmbledhëse të rezultateve të qendrave të votimit, ndërsa KZAZ-ja nr.49 nuk e miratoi këtë tabelë.

Bëhej fjalë pikërisht për rezultatin e kutisë së fundit, nga numërimi i së cilës kandidati i PS-së për kryetar bashkie, Edi Rama, i cili e ka mbajtur këtë post për tre mandate rresht, doli në avantazh me dhjetë vota.

balkanweb.com