Shqiptarët e Maqedonisë kërkojnë që ndeshjet e kombëtares së Shqipërisë të zhvillohen në stadiumin e Shkupit nëse dështojnë përpjekjet për zhvillimin e tyre në Prishtinë. Kërkesa është bërë nga Lëvizja qytetare "Zgjohu", e cila ia ka dërguar kërkesën Federatës Shqiptare të Futbollit.
"Pas vendimit të Qeverisë dhe Federatës Shqiptare të Futbollit për ndërtimin e stadiumit të ri në kryeqytetin e shqiptarëve Tiranë me rastin e 100 vjetorit të pavarësisë, Lëvizja Qytetare ZGJOHU! fton Federatën dhe Kombëtaren Shqiptare që të zhvillojë ndeshjet kualifikuese për EURO 2012 në stadiumin e Shkupit në rast se dështojnë përpjekjet për t'i zhvilluar ndeshjet në Prishtinë. Ftojmë Presidentin e Federatës Shqiptare të Futbollit, Armando Duka, të merr në konsideratë këtë gatishmëri dhe mundësi që t'a sjell kombëtaren shqiptare më afër shqiptarëve gjer në përfundimin e Arenës së Shqiponjave në Tiranë", thuhet në kërkesën e Lëvizjes qytetare Zgjohu!
Sipas kësaj organizate, stadiumi në Shkup plotëson të gjitha kriteret që i kërkon FIFA e UEFA.

http://www.shekulli.com.al/