Në kuadër të rritjes së marrëdhënieve të bashkëpunimit dhe financimit mes donatorëve dhe kontributit të tyre për fushat që mbulon MTKRS, më datë 4 Mars 2011, MTKRS  në bashkëpunim me Departamentin e Bashkërendimit të Strategjive dhe Koordinimit të Donatorëve, një Tryeze e Rrumbullakët  për Donatorët anëtarë të Grupit të Punës  për sektorin e turizmit.

Grupet sektoriale të Punës nën frymën e Deklaratës së Parisit për Efektivitetin e Ndihmës së huaj  të angazhohen në krijimin e mekanizmave, harmonizimin dhe koordinimin e punës së tyre në fushën e Turizmit duke ofruar një mundësi për dialog në adresimin e sfidave dhe reformave për një nga industritë më të rëndësishme në vend.

Kjo tryezë kishte si objektiv koordinimin dhe bashkërendimin e  prioriteteve të MTKRS në fushën e turizmit me programet e ndihmës shumë/dypalëshe të donatorëve duke përvijuar kështu me ndërhyrjet në këtë sektor.

Tryeza u bashkëdrejtua nga Ministri i MTKRS Z. Ferdinand Xhaferaj dhe Z. Norimassa Shimomura, Drejtori për Shqipërinë i PNUD.

Në takimin  grupit të punës morën pjesë përfaqësues  të rëndësishëm ë trupit diplomatik organizatave më të rëndësishme donatore në fushën e Turizmit si Joseph Williams Drejtor për Shqipërinë i USAID, Italian Cooperation, EBRD, Ambasada e Greqisë në Shqipëri,GTZ,UNDP,Delegacioni i BE- së në Tiranë,OSCE, Ambasada Austriake  në Tiranë , Ambasada Franceze etj

Në fjalën e tij përshëndetëse Ministri i TKRS Z. Ferdinand Xhaferaj nënvizoi edhe një herë angazhimin për zbatimin e të gjitha prioriteteve të Qeverisë në fushën e Turizmit dhe përmirësimeve në këtë sektor të rëndësishëm për ekonominë e vendit

Aktiviteti  vijoi me një prezantim të Strategjisë Sektoriale të Turizmit  2007-2013 dhe rezultateve të zbatimit të deritanishëm të saj monitorimit të saj bashkë me Prezantimin e Strategjisë së Marketingut Kulturor  dhe nismës “ Visit Albania Year 2012 ” .

Strategjia e Marketing-ut kulturor synon përmirësimin e imazhit të Shqipërisë në Botë përmes evidentimit dhe promovimit të potencialeve të saj turistike dhe ato të trashëgimisë kulturore.

Secili përfaqësues i i grupit të punës prezantoi aktivitetet që lidheshin me turizmin dhe me elementë të zhvillimit të turizmit të qëndrueshëm.

Në fund të takimit të gjitha palët e interesuara ranë dakord për të bashkërenduar përpjekjet e tyre me qëllim rritjen e efikasitetit të ndërhyrjeve në fushën e turizmit.

Fonti: http://www.mtkrs.gov.al/